Posted: 11/21/2012 03:45 PM IST

ఈ రోజు ఉదయం భారతీయులనే కాక యావత్ ప్రపపంచాన్నీ ఒకింత ఆశ్చర్యానికి గురి చేసిన వార్త ఉగ్రవాది  కసబ్  ఉరి తీత. ‘ఆపరేషన్ ఎక్స్’  అనే కోడ్ నేమ్ పెట్టిన ఈ కార్యక్రమం అంతా శాంతి భద్రతల స్పెషల్  ఐజీ దేవన్  భారతీ  ఆధ్వర్యంలో  అమలయింది.  నవంబర్  ఐదో  తేదీ  రాష్ట్రపతి  కసబ్  క్షమాభిక్ష  పిటిణన్ ను తిరస్కరించడంతో  ఆపరేషన్ ఎక్స్  కార్యక్రమం రహస్యంగా ప్రారంభమైంది.  నవంబరు 7న కసబ్  ఉరితీత అమలుకు  సంబంధించిన ఫైలు పై హోంమంత్రి  సంతకం చేశారు.  మహారాష్ట్ర ప్రభుత్వానికి సమాచారం అంధించారు.  నవంబరు 21న కసబ్ ను  ఉరితీయాలని మహారాష్ట్ర ప్రభుత్వం  నవంబరు 8నే నిర్ణయించింది.  నవంబరు 19న ముంబయి  జైలు నుంచి కసబ్ ను  పుణే జైలుకు తరలించారు.  నవంబరు 21న ఉదయం 7.30 గంటలకు కసబ్ ను ఉరి తీసి, 9.30 గంటలకు జైలులోనే ఖననం చేశారు.  అలా ఆపరేషన్ ఎక్స్  విజయవంతంగా పూర్తి అయింది.